من الأخر أغلبنا اتربى على قصص وأساطير سندريلا والأميرات واتزرع فينا بشكل ما إن الحياة السعيدة أو ال Happily Ever After هتحصل لما مشاكلنا تنتهى بمعجزة ونلاقي الأمير الجامد اللي نقع في غرامة ونتجوز ونعيش عيشة فل وتوتة توتة خلصت الحدوتة كل دة كلام جميل كلام معقول ماقدرش أقول حاجة عنه لكن لكن للأسف مالوش أي علاقة بالواقع الواقع إن سر العيشة الفل هو السؤال اللي حير الملايين , السؤال اللي لو معندكيش إجابة علية يبقى إنتي غالباً ماشية في مسار غلط عشان توصلي مكان انتي مش عايزة تروحية , يبقى انتي عايشة زي ما المجتمع بيقولك وخلاص بتدوري على السعادة والنجاح في حدود القالب اللي مجتمعك حطك فية , سواء كان اسمه كليات القمه أو العربية الشيك أو الجوازة اللي ( شكلها ) حلو وخلاص , مشدودة بين اللي بيقولك إنك دورك في الحياة إنك تتجوزي وتخلفي وبس , وبين اللي بيقولك اتمردي على الرجالة كلها بلا وجع دماغ.
إية هو بقى سر العيشة الفل ؟ موضوع مش للبنات بس.